Віртуальны альбом "Радзіма мая Беларусь у асобах"

28.09.2023 ў школе сярод вучняў 8-11 класаў адбылася інфармацыйная гадзіна ў рамках рэспубліканскага інфармацыйна – адукацыйнага праекта ШАГ. Тэма: “Радзіма мая Беларусь у асобах. Ад вясёлых стартаў да алімпійскіх вяршынь.” На першым этапе адбылася актуалізацыя ведаў аб развіцці спорту і турызму ў Рэспубліцы Беларусь з дапамогай інтэрактыўнай віктарыны “Мы даведаемся”. Затым навучэнцы пазнаёміліся з героямі спорту Рэспублікі Беларусь.

На другім этапе навучэнцы пазнаёміліся з дасягненнямі выпускніцы Відзіборскай сярэдняй школы, майстра спорту міжнароднага класа, бронзавага прызёра чэмпіяната свету па боксе Юліі Апанасовіч.

Прэзентацыя "Юлія Апанасовіч-уражэнка вескі Стахава, беларускі баксёр"

У рамках інфармацыйна-адукацыйнага праекта ШАГ для вучняў 8-11 класаў прайшоў занятак на тэму "Радзіма мая Беларусь у асобах. Сям'я - пачатак усіх пачаткаў". На сустрэчу з навучэнцамі быў запрошаны настаяцель храма "Ражджаства Іаана Прадцечы" пратаіерэй Віктар Кананчук. У ходзе гутаркі айцец Віктар расказаў пра ролю сям'і ў фарміраванні гарманічнай асобы, пра маральныя асновы сям'і, пра сямейныя каштоўнасці.

23.11.2023г. у дзяржаўнай установе адукацыі “Відзіборская сярэдняя школа” у рамках мерапрыемстваў ШАГа “Радзіма мая Беларусь у асобах” адбыўся занятак на тэму “У гэтай прыгажосці вялікаснай ёсць доля працы маёй”( Аб працаўніках прамысловасці і сельскай гаспадаркі). На першым этапе вучні актуалізавалі свае веды аб прамысловасці і сельскай гаспадарцы краіны з дапамогай інтэрактыўнай віктарыны “Мы даведваемся”. На другім этапе вучнямі 9-10 класаў падрыхтавана прэзентацыя аб сваім аднавяскоўцы, былым кіраўніку КСУП “Відзіборскій”, Ганаровым працаўніку АПК Брэсцкай вобласці С.Ф.Лахадынаве.

Прэзентацыя "Лахадынаў Сяргей Фядосавіч"

21 снежня ў рамках інфармацыйна-адукацыйнага праекту”ШАГ” – Школа Актыўнага Грамадзяніна” сярод вучняў 8-11 класаў прайшло мерапрыемства на тэму “Радзіма мая Беларусь у асобах. Захавальнікі прыгажосці”. На мерапрыемства запрасілі загадчыцу Юнішчанскім сельскім клубам, удзельніцу заслужанага аматарскага калетктыву Рэспублікі Беларусь “Выцінанка” Надзею Міхайлаўну Самайлюк. Яна вельмі цікава і падрабязна расказала аб сабе і сваёй рабоце. Мерапрыемства было праведзена з мэтай развіцця прыгажосці культуры роднага краю.

26.01.2024 ў школе з вучнямі 8-11 класаў была праведзена інфармацыйная гадзіна ў рамках рэспубліканскага інфармацыйна – адукацыйнага праекта ШАГ. Тэма: “Радзіма мая Беларусь у асобах. Слаўныя імёны ў навуцы і адукацыі.” На першым этапе адбылася актуалізацыя ведаў аб асаблівасцях развіцця навукі і адукацыі ў Рэспубліцы Беларусь з дапамогай інтэрактыўнай віктарыны “Мы даведаемся”, затым навучэнцы пазнаёміліся з землякамі, якія дасягнулі поспехаў у развіцці навукі і адукацыі

На другім этапе навучэнцы сустрэліся з былым настаўнікам Відзіборскай сярэдняй школы Шахрай Пятром Пятровічам, які расказаў аб асаблівасцях сваёй работы і адказаў на ўсе пытанні вучняў.

22 лютага ў дзяржаўнай установе адукацыі «Відзіборская сярэдняя школа» ў рамках мерапрыемстваў ШАГа адбылася сустрэча навучэнцаў 8-11 класаў з супрацоўнікам АПК «Верхні Церабяжоў» Несцяровічам Аляксандрам Мікалаевічам на тэму «Радзіма мая Беларусь у асобах. Абаронцы Айчыны». Сустрэча была праведзена ў фармаце «100 пытанняў да дарослага». Навучэнцы змаглі задаць пытанні аб службе ў арміі, у пагранічных войсках і атрымалі разгорнутыя адказы.

21 сакавіка ў дзяржаўнай установе адукацыі “Відзіборская сярэдняя школа” ў рамках мерапрыемстваў ШАГа адбылася сустрэча навучэнцаў 8-11 класаў са старшынёй Відзіборскага сельскага выканаўчага камітэта Некрашэвічам Васіліем Іванавічам на тэму " Радзіма мая Беларусь у асобах. Адданыя справе і краіне".

Сустрэча была праведзена ў выглядзе брыфінгу. У фокусе абмеркавання: дзяржаўная ўлада ў Рэспубліцы Беларусь, права, грамадзянін, правы выбаршчыка, моладзёжныя грамадскія аб'яднанні, праца Маладзёжнага парламента пры Нацыянальным Сходзе Рэспублікі Беларусь, Маладзёжная кадравая палітыка, праект «Школа кіравання» Акадэміі кіравання пры Прэзідэнце Рэспублікі Беларусь, актыўная грамадзянская пазіцыя, лідэрства, ініцыятыўнасць, грамадзянская адказнасць, грамадзянская сталасць.

25 красавіка ў школе прайшла інтэрактыўная віктарына ў рамках ШАГа “Радзіма мая Беларусь у асобах. Здароўе нацыі”. На мерапрыемства была запрошана фельчар Відзіборскага ФАПа Яцко Валянціна Васільеўна, якая расказала аб важнейшых задачах беларускай медыцыны, аб умовах захавання і ўмацавання здароўя дзяцей. Валянціна Васільеўна пазнаёміла ўсіх прысутных з умовамі прыёму ў медыцынскія ўстановы Рэспублікі Беларусь. Мерапрыемства было праведзена з мэтаю фарміравання ўяўлення аб тым, што такое здароўе і як неабходна клапаціцца аб сваім здароўі.